(Pinag-aaralan ng BFAR) FUEL SUBSIDY SA FISHERMEN

KINOKONSIDERA ng Bureau of Fisheries and Aquatic Resources (BFAR) ang pagkakaloob ng fuel subsidy sa mga mangingisda para mapalawak nila ang kanilang fishing activities sa West Philippine Sea.

Sa panayam sa “Dobol B TV”, sinabi ni Armed Forces of the Philippines Western Command (WESCOM) chairman Vice Admiral Ramil Enriquez na may ilang mangingisda na napipilitang limitahan ang kanilang pangingisda dahil sa kakulangan sa pondo sa fuel supply.

“Ang ibang fishermen kahit maraming isda medyo alanganin sila dahil gagastos sila ng krudo medyo malayo-layo ‘yung lugar so lugi sa profit. Liliit ang kita nila,” sabi ni Enriquez.

Kaya nakikita, aniya, ng BFAR na dapat tulungan ang mangingisda na bigyan ng subsidiya ng krudo.

Bukod sa fuel subsidy para sa mga mangingisda, sinabi ni Enriquez na naglalagay rin sila ng sheltered ports sa Kalayaan Group of Islands upang tulungan ang mga mangingisda kapag masama ang panahon.

“Nababawasan ‘yung pangamba nila dahil mayroong puwedeng silungan kung sakaling masama ang panahon,” paliwanag niya.

Nang tanungin hinggil sa pangha-harass ng mga barko ng Tsino laban sa mga mangingisda, sinabi niya na wala pa silang natatanggap na ulat hinggil dito.

Sa kasalukuyan, 80 hanggang 90% ng Filipino fishermen na nangingisda sa  Palawan ay nagmula sa Navotas, Bohol, at Cebu.

Related posts:

(Sa gitna ng patuloy na pagsirit ng presyo ng petrolyo) FUEL SUBSIDY SA FARMERS, FISHERMEN IPAMAHAGI NA (Inilaan ng gobyerno)P4-B PARA SA FUEL SUBSIDY NG DRIVERS, FARMERS (Publiko binalaan ng BFAR) 5 COASTAL AREAS POSITIBO SA RED TIDE (Ipagkakaloob ng LTFRB sa Agosto) P6K FUEL SUBSIDY SA PUV DRIVERS WALA NANG FISHING BAN SA ORIENTAL MINDORO (Ipamamahagi ng gobyerno) P2.95-B FUEL SUBSIDIES SA PUV, TRIKE DRIVERS (Panawagan sa DOTr) FUEL SUBSIDY SA PUV DRIVERS IBIGAY NA 7 LUGAR SA W. VISAYAS POSITIBO SA RED TIDE