WALA pang kaso ng African swine fever (ASF) ang naitala sa bansa.
Ito ang tiniyak kahapon ni Agriculture Secretary Manny Piñol kasabay ng paghimok nito sa mga hog raiser na doblehin ang kanilang produksiyon para matiyak na hindi kakapusin sa supply ng baboy ang mga pamilihan.
Patuloy ang mahigpit na pagbabantay ng pamahalaan para matiyak na walang makakapasok na produk-to na apektado ng ASF sa bansa.
Bukod sa paggamit ng maraming meat-sniffing dogs, hihingi rin ng dagdag na pondo ang DA para sa mga X-ray machine na gagamitin sa pag-monitor sa mga meat product na pumapasok sa Filipinas.
Kabilang sa mga karne ng baboy na bawal ipasok sa bansa ay galing sa Belgium,Vietnam, Zambia, South Africa, Czech Republic, Bulgaria, Cambodia, Mongolia, at Moldova.
Nauna nang ipinagbawal na pumasok sa bansa ang mga karne ng baboy mula China, Hunga-ry, Latvia, Poland, Romania, Russia, at Ukraine.
Kamakailan ay sinuyod na rin ng mga tauhan ng Agriculture Department ang mga pamilihan para kumpiskahin ang mga processed pork products na galing sa mga bansang apektado ng ASF. PILIPINO Mirror News Team
Related posts:
(Dahil sa ASF)MEAT PRODUCTS MULA WESTERN VISAYAS BANNED
(Tiniyak sa Christmas season)SUPLAY NG BABOY SAPAT
ASF UMABOT NA SA CAPIZ
ASF KALAT NA SA CEBU
(Nagbabadya dahil sa ASF)SHORTAGE SA SUPLAY NG BABOY
(Sa pagnipis ng suplay dahil sa ASF)PRESYO NG BABOY TATAAS PA
(Maliban sa NCR)ASF APEKTADO ANG LAHAT NG REHIYON
ISANG BUWANG PORK BAN SA SOUTHERN LEYTE TOWN VS ASF
Comments are closed.