HUMINGI ng tulong si Ukraine President Volodomyr Zelensky kay Pangulong Ferdinand Marcos Jr., na magpadala ng mental health workers sa kanilang bansa.
Sa bilateral meeting nina Pangulong Marcos at Zelensky sa Palasyo ng Malacanang, sinabi ng Ukrainian President na nangangailangan sila ng mental health workers para sa kanilang mga sundalo at defenders na nasa forefront ng krisis.
Ayon kay PBBM, nakahanda ang Pilipinas na tumulong sa pamamagitan ng pagpapadala ng mga Filipino mental health workers sa Ukraine.
Ang Pilipinas ay kilala sa healthcare sa pamamagitan ng pagbibigay ng tulong na bahagi ng commitment nito sa United Nations (UN) for the peacekeeping process.
Batay sa ulat, noong 2022 ang Ukraine ay pang- 90, trading partner ng Pilipinas, pang 119 sa export market at pang 76 sa import source.
Ang kabuuang kalakalan sa pagitan ng dalawang bansa ay umabot ng USD16.9 million.
Ang Ukraine ay nagsilbing pangalawang tahanan ng nasa 200 Filipinos subalit bumaba ito sa 25 ang bilang na karamihan ay nakapag-asawa ng Ukrainian nationals.
Related posts:
10,178 HEALTH WORKERS, INFECTED NG COVID-19
PINAS GAGAWING ‘FINTECH CENTER’
(Suspensiyon aalisin na) HEALTH WORKERS PUWEDE NA SA ABROAD
PINAS WALA NA SA TOP 20 SA HIGHEST COVID-19 CASES
11K HEALTH WORKERS GUMALING SA COVID-19
11,214 HEALTH WORKERS GUMALING SA COVID-19
DOH UMAPELA SA PUBLIKO: HEALTH WORKERS HAYAANG MAGDIWANG NG PASKO
PINAS PINAG-IINGAT SA CHINESE CYBER-ESPIONAGE SA 2022 ELECTIONS