(Pinasisilip sa Kamara) RED-TAGGING SA COMMUNITY PANTRIES

PINAIIMBESTIGAHAN ng Makabayan Bloc sa Kamara ang umano’y ginawang profiling at red-tagging sa mga organizer at volunteer ng community pantries.

Sa House Resolution 1723, inaatasan ang House Committee on Human Rights na siyasatin ‘in aid of legislation’ ang alegasyon ng harassment, profiling at red-tagging sa mga community pantry volunteer at organizer.

Nakasaad sa resolusyon na nitong April 20 ay napilitan ang organizer ng unang community pantry sa Maginhawa Street, Quezon City na si Ana Patricia Non na magsara pansamantala dahil sa profiling na ginawa umano ng Philippine National Police (PNP) sa kanya at sa kanyang mga volunteer.

Bukod dito, naikalat din sa social media page ng iba’t ibang police station ang umano’y red-tagging sa mga community pantry.

Nakadagdag pa sa pagkabahala ng mga community pantry ang pahayag ni DILG Undersecretary for Barangay Affairs Martin Dino na kailangan ng mga ito na kumuha muna ng permit dahil sa paglabag sa protocol na kalaunan ay binawi naman din ng opisyal.

Sa kasalukuyan ay umaabot na sa 30 ang community pantries sa buong bansa.

Iginiit ng mga kongresista ang magandang adhikain ng community pantries sa pagtulong sa mga nangangailangan sa gitna ng pandemya at maski ang Ehekutibo ay kinikilala na rin ang magandang inisyatibong sinimulan ng community pantries. CONDE BATAC

Related posts:

DFO PRAYORIDAD NG KAMARA (Itinutulak sa Kamara) 8-HOUR WORKDAY SA TEACHERS PULLOUT NG MULTI-NAT’L COMPANIES IIMBESTIGAHAN SA KAMARA 11 FRANCHISE BILLS NG ABS-CBN TATALAKAYIN NA SA KAMARA (Sa pagbuo ng 2021 nat’l budget) KAMARA TUTULONG SA PALASYO (Isinusulong sa Kamara) 5-6% HIKE SA 2021 BUDGET (Target ng Kamara) P1.5-T ECONOMIC STIMULUS FUND (Itinutulak sa Kamara) TAX HOLIDAY SA HEALTH WORKERS