PINAY SKATER NAGKASYA SA 24TH OVERALL SA NEBELHORN TROPHY

TUMAPOS si Sofia Frank sa 24th overall sa 2021 Nebelhorn Trophy sa Oberstdorf, Germany.

Ang 15-anyos na Pinay skater ay nakakuha ng kabuuang iskor na 128.78 points sa pagtatapos ng two-part competition noong Sabado.

Si Frank, na nag-perform sa musikang ‘Romeo and Juliet Wedding Vow’ ni Abel Korzeniowski, ay nagtala ng 40.50 sa technical score at 44.63 sa program components. Gayunman ay nabawasan siya ng 4 points para sa kabuuang iskor na 81.13 points.

Nanguna si  Alysa Liu ng USA sa nasabing program na may 136.54 points, habang pumangalawa si Poland’s Ekaterina Kurakova (132.54) at pumangatlo si Viktoriia Safonova (128.27) ng Belarus.

Sa 24th place finish ay nabigo si Frank sa outright qualification sa 2022 Beijing Winter Olympics. Tanging ang top six skaters sa kumpetisyon ang makakakuha ng slots sa Winter Games.

Pumasok sina Liu (207.40), Kurakova (193.58), at Safonova (190.29) sa top three sa pagtatapos ng kumpetisyon. Ang iba pang bumubuo sa top sux ay sina Alexia Paganini (Switzerland), Anastasiia Shabotova (Ukraine), at Josefin Taljegard (Sweden).

Bagama’t bigo sa outright qualification para sa Beijing, ang technical scores ni Frank sa Nebelhorn Trophy ay sapat na para makasama sa Four Continents Championship, na bukas sa non-European member nations ng International Skating Union (ISU).

Kinakailangan ang minimum technical score na 23.00 sa short program at 40.00 sa free skate para makapasok sa torneo.

Sa  short program, si Frank ay nakakuha ng 25.42 points sa technical score, para tumapos sa 22nd place.

Ang Four Continents Championship ay nakatakda sanang idaos sa January 2022 sa Tianjin, China, subalit nakansela ito dahil sa travel restrictions. Magdedesisyon ang ISU sa bagong host country sa October.

Ang male representative ng bansa sa kumpetisyon — Edrian Celestino— ay tumapos sa 18th place. Lalahok din siya sa Four Continents.

Related posts:

PINAY SKATER 20TH SA ISU JUNIOR GRAND PRIX PINOY SKATER 18TH SA 2021 NEBELHORN TROPHY ASIA SKATER OF THE YEAR SI DIDAL DIDAL PASOK NA SA OLYMPICS PINAY FIGURE SKATER UMAPELA NG TULONG PARA SA KAMPANYA SA 2022 WINTER OLYMPICS BRONZE SA FILIPINA FIGURE SKATER BAGONG NATIONAL RECORD SA PINAY FIGURE SKATER