PINAY TUMALON MULA SA ROOF TOP PARA TAKASAN ANG AMO

PILIPINO Mirror

SAUDI ARABIA – NAKA-CONFINE ang isang overseas Filipino worker nang tumalon ito mula sa rooftop para takasan ang abusadong amo.

Inamin ng OFW na kaya nais niyang tumakas ay natatakot siya sa kanyang buhay dahil sa mabagsik na amo.

Bukod sa sobra-sobrang trabaho, hindi umano binibigyan ng pagkain ang Pinay at kinum­piska pa ang kaniyang cellphone.

Sa video na na-upload sa internet, makikia ang Pinay, na tinakpan ang mukha, na maraming galos at pasa na palatandaan na nahulog ito mula sa mataas na lugar.

Sinasabing nakarating na rin sa kaalaman ng Philippine Overseas Labor Office at ibinahagi ang impormasyon sa Philippine Embassy sa Saudi Arabia hinggil sa sitwasyon ng hindi pinangalanang OFW.

Gayunman, nanindigan ang Overseas Workers’ Welfare Administration (OWWA) na dapat pa ring makipag-ugnayan sa amo ng OFW at pag-usapan ang pagpapauwi sa Pinay.

“Sa pag-uwi niya, kailangan natin makuha ‘yung ibang detalye ng nangyari. Depende kasi ‘yung natapos na ang kontrata niya o hindi. Bibigyan ba siya ng exit visa ng kanyang employer o hindi,” ayon kay OWWA spokesperson Arnel Ignacio.  PILIPINO Mirror Reportorial Team

Related posts:

Default ThumbnailOFWs TODO INGAT VS SANDSTORM Default ThumbnailOFW WAGI SA DANCE COMPETITION Default ThumbnailOFWs MGA PINOY SA ISRAEL PINAG-IINGAT VS KILOS PROTESTA Default ThumbnailSKILLED AT PROFESSIONAL OFWs SA KUWAIT ‘DI NA OBLIGADONG UMUWI Default ThumbnailLABI NG OFW NA NATAGPUAN SA SEPTIC TANK IUUWI NA dead36-ANYOS NA OFW PATAY SA SLOVAKIA SA PAGTATANGGOL SA 2 BABAE lebanonHUSTISYA SIGAW NG PAMILYA NG OFW NA NAHULOG SA GUSALI SA LEBANON Default ThumbnailLABI NG NAPATAY NA OFW SA SLOVAKIA NAIUWI NA