ABU DHABI – KINUMPIRMA ng Ministry of Health and Prevention (MoHAP) ng United Arab Emirates na naitala ang dalawang kaso ng novel coronavirus (nCoV) sa kanilang bansa kung saan isang Pinoy at Tsino ang biktima.
Batay sa ulat ng Emirates News Agency Report, iniulat ng MoHAP na umabot na sa pito ang nCoV cases sa kanilang bansa.
Natukoy ang nasabing kaso ng sakit bunsod ng patuloy na pagsasagawa ng screening sa mga kinakitaan ng sintomas na alinsunod sa World Health Organisation (WHO) standards.
Ang panibagong mga biktima ng nCoV ay kasalukuyang inoobserbahan sa ospital habang nakikipag-coordinate na ang Mo-HAP sa lahat ng kagawaran ng pamahalaan upang tiyakin na hindi kakalat ang tinaguriang Wuhan virus.
Magugunitang noong Enero ay may na-diagnose na tinamaan ng coronavirus na kauna-unahan sa Middle East. PILIPINO MIRROR REPORTORIAL TEAM
Related posts:
PINOY WORKERS SA CAR COMPANY APEKTADO NG NCOV SCARE
PINOY NAG-PANIC NANG DUMAMI ANG COVID-19 CASE SA SOKOR
(Nasa iba’t ibang bansa) 63 PINOY POSITIVE SA COVID-19
1 PANG DH SA SINGAPORE NAHAWAAN NA RIN NG COVID-19
PINOY NAKALABAS NA SA QUARANTINE SA HK
RETURNING OFWs HINAHARANG SA SAUDI
(Maliban sa 3 lugar na peligroso sa COVID-19) S.KOREA BUKAS NA SA RETURNING OFWs
(Dahil sa COVID-19) JOBLESS NA OFWs POSIBLENG SUMAM-PA SA 100K
Comments are closed.