BUMAGSAK pa ang piso kontra dolyar nitong Lunes.
Ang local unit ay humina ng 17 centavos upang magsara sa P58.68:$1 mula P58.51:$1 noong Biyernes.
Ito na ang pinakamahinang performance ng piso sa loob ng 19 buwan o magmula noong November 3, 2022 nang magsara ito sa P58.80:$1.
Ayon kay Rizal Commercial Banking Corp. (RCBC) Chief Economist Michael Ricafort, ang paghina ay kasunod ng inilabas na manufacturing data para sa Mayo, kung saan bumaba ang PMI sa 51.9 noong nakaraang buwan.
Tinukoy rin niya ang patuloy na hot money outflows noong Abril na isa sa mga dahilan ng lalong paghina ng piso.
“Going forward, the performance of the US dollar/peso exchange rate would partly be a function of intervention/defense as consistently seen over the past 1.5 years,” sabi ni Ricafort.
Noong nakaraang linggo ay sinabi ni BSP Senior Assistant Governor Iluminada Sicat na ang paghina ng piso ay pansamantala lamang, tinukoy ang regional trend ng panghihina ng currencies kontra US dollar.
Related posts:
PISO VS DOLYAR BUMAGSAK PA SA P57.65
PISO VS DOLYAR SUMADSAD SA P57.78
(Pinakamahina sa loob ng 18 buwan) PISO VS DOLYAR BUMAGSAK PA SA P58.27
(Nagsara sa P54.87:$1)PISO VS DOLYAR LUMAKAS PA
(Pinakamababa sa loob ng halos 17 buwan)PISO VS DOLYAR BUMULUSOK SA P57.18
(Matapos ang 7 araw na paghina) PISO BUMAWI KONTRA DOLYAR
PISO NAKABAWI KONTRA DOLYAR
(Ayon sa BSP) PAGHINA NG PISO PANSAMANTALA LAMANG