BAGUIO CITY–MATAPOS ang 20 araw mula nang pumutok ang balitang pagkamatay ni Cadet 4th Class Darwin Dormitorio dahil sa hazing ay nagbitiw sa kanyang puwesto ang highest ranking cadet ng buong Philippine Military Academy (PMA).
Kinumpirma ni Corps of Cadet Commandant BGen Romeo Brawner na nagbitiw at tinanggap niya ang resignation ni Cadet 1st Class Ram Michael Navarro, nakatalagang brigade commander ng cadet corps o tumatayong class baron of PMA Masidlawin Class of 2020 dahil sa command responsibility.
Inihayag ni Brawner na itinalaga nila si Cadet 1st Class Marion Dale Cordova bilang PMA baron.
Habang si Navarro ay itinalaga bilang bagong brigade operations officer na responsable sa pagsasanay ng lahat ng kadete sa loob ng PMA.
Si Dormitorio ay namatay noong Setyembre 18 matapos na dumaing nang pananakit ng tiyan at pagsusuka.
Nabatid na naglabas si Navarro ng manifesto na kumokondena sa insidente na nagsasaad na ang pangyayari ay “an insult to the sanctity of humanity and as an untoward act that destroys the core values that bind us together as brothers and sisters.”
Sina PMA Superintendent Lieutenant General Ronnie Evangelista at PMA Commandant of Cadets Brigadier General Bartolome Bacarro ay kapwa nag-resign dahil sa command responsibility. VERLIN RUIZ
Related posts:
ALBAYALDE AT ELEAZAR CAVS AWARDEES SA PMA
PMA HOMECOMING DINALUHAN NG ILANG KANDIDATO
MGA NAGSIPAGTAPOS SA PMA WELCOME SA AFP
(2 pang biktima naka-confine, 2 suspek lumutang) 2 PMA OFFICERS SINIBAK DAHIL SA HAZING
(Dahil sa pagkamatay ni Dormitorio) 2 PMA GENERALS NAGBITIW
(Discharges orders sa 7 kadete simula na) REPORMA SA PMA
PMA HOMECOMING ITINAKDA SA FEB 22
PMA ALUMNI HOMECOMING SA SABADO NA, OFF LIMIT SA MEDIA