(PN, PCG, PNP nakaalerto) BAGYONG JOLINA: 9 PATAY, 31 NAWAWALA

NAKAALERTO pa rin ang puwersa ng Philippine Navy , Philippine Coast Guard at Philippine National Police sa mga lugar na dinaanan ng Bagyong Jolina at lugar na tinatahak ngayon ni Typhoon Kiko kasunod ng ulat ng National Disaster Risk Reduction Management Council (NDRRMC) na may 31 katao ang nawawala.

Sa inilabas na situational report ng NDRRMC kahapon ng umaga ay may 19 katao ang inulat na nawawala bunsod ng pananalasa ng Bagyong Jolina.

Habang kasalukuyang bina-validate naman ulat na patay ang siyam na katao habang 31 na mangingisda pa ang nawawala sa Samar.

Bukod dito,may apat katao rin ang inulat ng NDRRMC sa kanilang 12:00 Situational Report na nasaktan.

Ayon sa ulat ng Police Regional Office 8 sa Palo,Leyte ay natagpuan ang bangkay ng mga mangingisda na sina Alejandro Solayao, Sonny Boy Ibayan, Joseph Emnas at Benedicto de Paz sa karagatan ng Santo Niño,Samar matapos na tumaob ang bangkang gamit nila.

Nasawi naman ang mangingisda na si Bienvinido Marquez matapos tumaob ang bangkang sinasakyan sa Sierra Island, Samar nang magpasya itong umuwi ng salpukin ng alon at tumaob ang bangka.

Patay din ang mga mangingisda na sina Ryan Jerusalem, taga-Tarangan, Samar; Ror Carcellar at Mark Jhun Nierras na taga-Daram, Samar.

Namatay naman ang isa pang biktima na si Marcelo Lolo na nalunod sa Maasin City, Southern Leyte.

Samantala, nananatiling naka- deploy pa rin ang disaster response and recovery teams ng Fleet Marine Ready Force (FMRF) ng PN.

Ayon kay Navy Public Information Office chief CDR Benjo F. Negranza,simula pa Setyembre 6 ng kanilang inorganisa ang Naval Task Force (NTF) 83 at nanatiling nakaalerto bilang paghahanda sa posibleng epekto ng Super Typhoon Kiko.

Bukod sa NTF83, minobilisa rin ang iba pang PN operating forces sa Northern Luzon, Southern Luzon at Cebu para paghandaan ang Humanitarian Assistance and Disaster Response (HADR) deployment.

Samantala inalerto naman ni PNP Chief General Guillermo Eleazar ang kanilang puwersa sa Northern Luzon dahil sa nakaambang pananalasa ng bagyong Kiko ngayong Biyernes. VERLIN RUIZ

Related posts:

PCG KAILANGAN NG 400 DAGDAG TAUHAN ZERO MARITIME INCIDENT TARGET NG PCG DOTr, PCG , Army at MMDA nagsanib-puwersa OPERATION LIBRENG SAKAY IKINASA (BOC at PCG  nagsanib-puwersa) BORDER CONTROL, ANTI-SMUGGLING OPS HIHIGPITAN PCG NAKAALERTO SA BAGYONG PEPITO DENR, PCG, PNP-MG NAGKAPIT- BISIG VS MANILA BAY ‘ENVIRONMENT LAWS’ (PCG, MMDA lumagda ng MOA) PASIG RIVER FERRY SERVICE PALALAKASIN