PNP BINAGO ANG KONSEPTO NG INTERNAL CLEANSING PROGRAM

PILIPINO Mirror
albayalde

CAMP CRAME – UPANG tuluyan nang malinis ang hanay ng pulisya, binago ng Philippine National Police (PNP) ang konsepto ng kanilang cleansing program.

Anunsiyo ito kahapon ni PNP Chief, Gen. Oscar Albayalde at sinabing ibabatay ito sa kanilang pagdidisiplina sa paraan ng Philippine Military Academy (PMA).

Ayon sa heneral, sa bagong konsepto ng internal cleansing program sasailalim sa squad process ang mga pulis na nasasangkot sa katiwalian.

Sinabi ni Albayalde  na katuwang nila sa bagong konsepto ang mga non-governmental organization (NGO) lalo na sa religious sector upang mas ma­ging personal at intimate ang bagong internal cleansing program para sa didisiplinahing pulis.

Gagayahin aniya nila ang paraan sa PMA kung saan ang squad leader ang humihikayat sa kanyang mga miyembro lalo kung bumababa ang morale ng kanyang kasamahan.

Sa bagong konsepto, bawat squad ay mayroong anim hanggang walong mi­yembro.

Dagdag pa ni Albayalde na hindi naman kailangang opisyal ang magiging squad leader.

Batay sa datos ng PNP mula taong 2016 aabot na sa nasa 27,000 mga pulis na may mga paglabag ang prayoridad na isalang sa bagong konsepto. REA SARMIENTO

Related posts:

Default ThumbnailP1.7-M POLICE AND OFFICE EQUIPMENT NATANGGAP NG PNP Default Thumbnail130 PATROL VEHICLES DONASYON NG KOREA SA PNP PNPNATIONWIDE RESHUFFLE SA PNP; PIO CHIEF PINALITAN Spokesperson-DuranaPNP TINIYAK NA PATAS SA PAGPAPATUPAD NG BATAS VS NARCOLIST NG PDEA Chief Supt Tomas Apolinario Jr2 OPISYAL NG TAGUIG-PNP SIBAK Default ThumbnailPOLICE COLONEL AT 3 PA SIBAK SA KOTONG Mahindra Patrol JeepsBINILING PATROL JEEPS NG PNP PALPAK Default ThumbnailKATANGI-TANGING PNP PERSONNEL PARARANGALAN NGAYON

Comments are closed.