NAGLUNSAD ng donation drive ang mga opisyal ng Philippine National Police(PNP) sa Metro Manila para makalikom ng pondo.
Ayon kay PNP Spokesman Pcol Roderick Alba, kumikilos na ang mga tauhan ng PNP para tumulong sa mga biktima ng Bagyong Odette.
Nakikipag- ugnayan na rin sila sa iba’t ibang stakeholders para sa paghahatid ng tulong.
Inspirasyon umano ng PNP ang programa ng National Capital Region Police Office na, “Serbisyong Tama: Tapat, may tapang at Malasakit para sa sambayanang Pilipino”.
Umaasa naman si Alba na magkakaroon din ng inisyatibo ang mga police unit sa ibang lugar para tumulong din sa mga nasalanta ng Bagyo. REA SARMIENTO