CAMARINES SUR – NAKAKULONG ngayon ang isang non-uniformed personnel ng Philippine National Police (PNP) nang madakip sa isinagawang anti narcotics operation sa Barangay San Miguel, bayan ng Calabanga sa lalawigang ito.
Sa ulat na nakarating sa tanggapan ni Bicol PNP Chief BrigGen Jonnel Estomo, isang PNP-NUP na hindi muna pinangalanan ang nasakote nang mag-follow up operation PNP Integrity Monitoring and Enforcement Group.
Batay sa paunang ulat mula kay Lt. Mary Jean Cuevas ng PNP-IMEG, isang alyas Obet na nakatalaga sa Magaraw Municipal Police Station ang target ng ikinasang anti-drug operation.
Sinasabing positibong itinuro ito ng iba pang drug suspects na nauna nang nahuli ng pulisya.
Nang dakpin ang suspek sa isinagawang buy bust operation ay nahulihan ito ng 4 na sachet ng shabu na nagkakahalaga ng P47,500.
Mahaharap sa kasong paglabag sa Republic Act 9165 ang mga suspek. VERLIN RUIZ