CAVITE- NAGPAPATULOY ang pagtanggap ng Philippine National Police Academy (PNPA) sa aplikasyon ng mga nais maging kadete.
Batay sa bulletin ng PNPA, hanggang Agosto 19 ay mayroon nang 3,274 na approved application ang kanilang natanggap sa pamamagitan ng PNPACAT Online application.
Sakop ng nasabing bilang ang nagsumite simula noong Agosto 13 hanggang Agosto 19.
“14th Partial List of the approved applications submitted in the PNPACAT Online Application covering August 13, 2022 to August 19, 2022,” nakasaad sa kanilang Facebook page kung saan naroon din ang mga pangalan.
Hinikayat naman ang mga aplikante na makibahagi sa PNPACAT Group “PNPACAT INFORMATION LINE” na eksklusibo lamang sa mga nangangarap maging kadete.
Magtatagal ang pagtanggap ng PNPACAT hanggang Setyembre 30. EUNICE CELARIO