MALAPIT nang mapasailalim sa Philippine National Police (PNP) ang Philippine National Police Academy (PNPA) at ang National Police Training Institute (NPTI).
Ito ay matapos aprubahan sa ikalawang pagbasa ang House Bill 8628 na layong ilipat sa PNP mula sa Philippine Public Safety College (PPSC) ang PNPA at NPTI kung saan mapasasailalim na ito sa direktang superbisyon at operational control ng PNP Chief.
Layunin ng panukalang inihain nina Representatives Leopoldo Bataoil at Gary Alejano na maitaas ang standard training ng mga commissioned at non-commissioned officers.
Ang PNPA na premier institution ng police education at pinagmumulan ng mga commissioned officers ay pamumunuan ng PNPA Director na may ranggong Police Director habang ang NPTI na siya namang nagsasagawa ng mandatory leadership trainings sa lahat ng mga non-commissioned officer ay pamumunuan naman ng Director na may ranggong Police Director.
Kasama ring ililipat ng PPSC sa PNP ang lahat ng personnel, properties, facilities, records, equipment, funds, rights, liabilities, at iba pang assets ng PNPA at NPTI.
Pinabubuo rin ng five-year transition plan ang DILG, Napolcom at PPSC Board of Trustees para sa maaayos na paglilipat ng dalawang institusyon sa PNP.
Ang Napolcom naman ang bubuo ng rules at regulations kasama ang PNP, PPSC at DILG para sa pagpapatupad ng batas. CONDE BATAC
Related posts:
PANUKALANG ILIPAT SA PNP ANG PAMAMAHALA SA PNPA AT NPTI, OK SA KAMARA
8 PANG PASAHERO NG EMIRATES FLIGHT PINAHAHANAP SA PNP
(Hinuli ng PNP) 30K LUMABAG SA HEALTH PROTOCOLS
APLIKANTE DADAGSA SA PAGPAPABABA SA HEIGHT REQUIREMENT SA PNP
TAUNANG NEUROPSYCH TESTS PARA SA PNP IPATUPAD
GEN. ELEAZAR UNANG TINURUKAN, BAKUNA SA PNP A4 CATEGORY SINIMULAN NA
PNP ‘WAG PAGAMIT SA MARUMING POLITIKA! – AÑO
NAGPAPAKALAT NG FAKE NEWS SA BAKUNAHAN, MANANAGOT
Comments are closed.