MAGUINDANAO DEL SUR – PINAGHAHANAP ngayon ang riding-in-tandem na naghagis ng dalawang granada sa detachment ng 4th Manuever Platoon, 2nd Police Mobile Force Company sa Barangay Galakit, Pagalungan.
Tiniyak naman ng awtoridad na wala namang naitalang nasaktan o nasawi sa paghahagis ng granada subalit nasira ang private vehicle ng isa sa mga pulis na myembro ng 2nd Provincial Mobile Force Company (PMFC).
Ayon sa Pagalungan PNP, dalawang suspek na sakay ng motorsiklo at mabilis na tumakas ang nakitang naghagis ng granada.
Ayon kay PNP BARMM Director Brig. Gen. Romeo Macapaz na agad bumisita sa nasabing police detachment, maaaring pananakot o intimidation lamang ito ng mga grupo na sangkot sa droga matapos ang puspusan at matinding kampanya ng PNP laban sa illegal drugs sa lugar.
Iniutos din ni Macapaz na paigtingin pa ang seguridad sa buong paligid ng detachment.
EUNICE CELARIO
Related posts:
5 PATAY SA DIARRHEA OUTBREAK
SCHOOL PRINCIPAL NILIKIDA
BABAE PATAY SA PANANAMBANG
LIDER NG BIFF, 11 PA UTAS SA SAGUPAAN
7 SUNDALONG SUGATAN SA SAGUPAAN PINARANGALAN
MIYEMBRO NG ISLAMIYAH TODAS SA ENGKUWENTRO
TANOD PATAY, PULIS AT 3 PA SUGATAN SA KARAHASAN SA LAST DAY COC FILING
BUMBAY NAKALIGTAS SA PANANAMBANG