HINIMOK ni Committee on National Defense and Security Vice Chairman at Muntinlupa Rep. Ruffy Biazon ang Philippine National Police (PNP) na repasuhin na ang police operational procedures (POP) na may kaugnayan sa pangagalap at pag-iingat ng mga ebidensya.
Ito ay matapos matuklasan na si Police Senior Master Sergeant Jonel Nuezca, ang pulis na pumatay sa mag-inang Gregorio sa Paniqui, Tarlac, ay naharap sa dalawang kaso ng grave misconduct involving homicide noong 2019 pero kalaunan ay nadismis dahil sa kawalan ng sapat na ebidensya.
Kaugnay nito ay kailangan na aniyang magsagawa na ng reporma sa nasabing police procedure upang matiyak na makakalap ang mga ebidensya tuwing may police operation para mailatag ang pagiging inosente o probable cause sa oras na humarap na sa paglilitis ng korte.
Iginiit din ni Biazon na hindi dapat ituring ng Department of the Interior and Local Government (DILG) at ng PNP na isolated case ang pagpaslang ni Nuezca kina Sonya at Anthony Gregorio ngunit dapat ay tingnan ito na sakit sa institusyon na isang indikasyon na mayroong mali sa sistema.
Tinukoy ng kongresista na posibleng ang pagkakamali o pagkukulang ay nasa methodology o curriculum ng training, skills, mental health at discipline, sa standard operating procedures o protocols.
Sakali namang lumabas sa kanilang evaluation na may mga kinakailangang reporma na ipatupad ay nakahanda naman ang Kamara na sumuporta rito sa pamamagitan ng lehislasyon o kaya naman ay magsagawa ng imbestigasyon. CONDE BATAC
Related posts:
PANUKALA SA PAGPASOK NG KULANG SA HEIGHT SA PNP, BFP AT BJMP PASADO NA
88 BAGONG KASO NG COVID-19 SA HANAY NG PNP
(Hinuli ng PNP) 30K LUMABAG SA HEALTH PROTOCOLS
APLIKANTE DADAGSA SA PAGPAPABABA SA HEIGHT REQUIREMENT SA PNP
TAUNANG NEUROPSYCH TESTS PARA SA PNP IPATUPAD
GEN. ELEAZAR UNANG TINURUKAN, BAKUNA SA PNP A4 CATEGORY SINIMULAN NA
PNP ‘WAG PAGAMIT SA MARUMING POLITIKA! – AÑO
NAGPAPAKALAT NG FAKE NEWS SA BAKUNAHAN, MANANAGOT
Comments are closed.