PONDO SA COVID-19 VACCINE ISASAMA SA 2021 NAT’L BUDGET

PILIPINO Mirror
Covid vaccine

MAGLALAAN ng pondo sa 2021 national budget ang gobyerno para sa pagbili ng bakuna kontra COVID-19.

Ayon kay House Speaker Alan Peter Ca­yetano, napag-aralan at napagkasunduan ng Kamara, Senado at Department of Finance (DOF) ang alokasyong ito.

Sinabi ng Speaker na kung magkakaroon ng bakuna laban sa coronavirus disease sa susunod na taon ay mahalagang mapaglaanan na ito ng budget,  gayundin ang iba pang programa na may kaugnayan dito.

Sakali namang wala pa ring bakuna sa ­COVID-19 sa 2021 ay maaari naman aniyang gamitin ang alokasyon sa testing o pagbili ng medical supplies para hindi na hihirit sa Kongreso ng dagdag na appropriation kung kakapusin.

Bukod sa pondo para sa COVID-19 vaccine ay isasama rin sa pambansang pondo sa susunod na taon ang alokasyon para sa economic stimulus na makatutulong para sa pagbangon ng mga sektor na apektado ng pandemya.

Tinatayang aabot sa P4.3 trillion ang inisyal na 2021 national budget na nais ipursige ng Department of Budget and Management (DBM). CONDE BATAC

Related posts:

BPI(Tiniyak ng mga bangko) CASH SUPPLY SA ATMs magsasaka(Dahil sa COVID-19) BAYAD UTANG NG FARMERS TIGIL MUNA Senador Win Gatchalian-2(Sa gitna ng COVID-19 crisis) CASH AID SA STUDES IBIGAY NA Alexandre de Juniac(Dahil sa COVID-19 pandemic) $250-B LUGI NG AIRLINE INDUSTRY Secretary Ramon Lopez(Alok ng DTI sa gitna ng COVID-19 crisis) P5K-P.5M LOAN AID SA BIZMEN BSP(Bilang suporta sa paglaban sa COVID-19) BSP MAGRE-REMIT NG P20-B DIVIDENDS Mike Defensor(Matitipid gagamitin sa paglaban sa COVID-19) 20% MANDATORY SAVINGS SA GOV’T Sarah Buena Mirasol1K NCR WORKERS NAKATANGGAP NA NG FINANCIAL AID

Comments are closed.