POPE IPINANALANGIN ANG FILIPINAS AT VIETNAM

NANAWAGAN si Pope Francis sa mundo na isama sa panalangin ang mga bansang sinalanta ng mga kalamidad kabilang na ang Filipinas.

Sa kaniyang Urbi Et Orbi o Message to the City and to the World, inihayag ng Santo Papa ang kaniyang panalangin na protektahan nawa ng Diyos ang mga mamamayan sa malalang epekto ng kalamidad sa buhay ng tao at ekonomiya.

Maliban sa Filipinas, nais ding ipaabot ng Santo Papa ang kaniyang taos-pusong panalangin sa bansang Vietnam na matinding sinalanta rin ng nagdaang bagyo

Magugunitang sunod-sunod na bagyo na ang dumaan sa bansa  nitong nakalipas na mga panahon na kumitil sa buhay at sumira ng mga kabuhayan ng maraming Filipino. DWIZ882