PRESIDENTIAL LINGKOD BAYAN AWARD SA KAGAWAD NG PNP

Rosalino Ibay

PINARANGALAN ng Civil Service Commission (CSC) ang isa sa itinuturing na pinakamagaling na kagawad ng Philippine National Police (PNP) matapos sumailalim sa isang masusing deli­berasyon.

Ayon sa CSC iginawad ngayong taon ang Presidential Lingkod Bayan Award kay P/Major Rosalino Ibay , hepe ng MPD-SMART or Special Mayor’s Reaction Team .

Sa kabila ng pandemya,bumubuhos naman ang mga parangal na nakuha ng lokal na pamahalaan ng Maynila ngayong taong mula sa Department of Interior and Local Goverment (DILG) at Department of Trade and Industry (DTI).

Si Ibay ay nahirang na  awardee ng prestiyosong Presidential Lingkod Bayan award regional winner ngayong taong 2020 na ginanap sa tanggapan ni CSC Director Margarita Reyes na dinaluhan din ni MPD-Director Brig. Gen Leo Francisco, mga piling kaibigan at kawani ng CSC.

Ayon kay Reyes, iginawad kay Ibay ang plaque ng pagkilala sa mga nagawa nito bilang isang masipag at episyenteng ‘law enforcer’ sa buong PNP .

Sinabi pa ni Reyes, ang naturang parangal ay taon-taon isinasagawa ng tanggapan ng Pangulo sa Malakanyang ngunit bunsod ng umiiral na pan­demya ay kinansela ito at nagdesisyong isagawa na lamang sa tanggapan ng CSC sa Taguig City.

Si Ibay ay ang napi­ling awardee at kauna-unahang ginawaran sa hanay ng PNP  at pinili ng komite ng CSC  makaraang inirekomenda ng ibat-iba’t pribadong grupo  kabilang na rin ang PNP command.

“ Ang karaniwang gingawaran ng ganitong pagkilala  sa hanay ng mga  lingkod bayan (public servant) ay nanggagaling sa propesyonal na kawani na mga national government agencies at ito ang kauna-unahang na police officer  ang ginawaran ng ganitong award at taon-taon ito ay  isinasagawa sa palasyo at presidente ng Pilipinas  ang nag-aabot ng plaque” ani Reyes.

Inihayag naman Francisco, kahanga-hanga ang mga  accomplishment  ni Ibay  at isa itong malaking karangalan hindi lang ng MPD  kundi sa buong hanay ng PNP .

Bukod dito, sa pamamagitan ni Ibay ang ugnayan at relas­yon ng MPD at LGU Manila ay maayos at lahat ng programa ni Mayor Isko Moreno ay natutugunan.

“Natutuwa ako sa inabot ni Maj Ibay,  who rose from the ranks mula PO1 hanggang sa kanyang mga sunod na promotion na nag mula sa mga  maaksiyon encounter at mga panganib na kanyang nalampasan, mula sa ibat ibang PNP unit sa buong Pilipinas na kanyang pinaglingkuran, isa siyang ehemplo ng mabuting police officer” ani Francisco.

Si Ibay ay kasaluku­yang namununo bilang hepe ng MPD-SMART at concurrent chief ng District Anti-Carnapping Unit (DACU). VERLIN RUIZ

Comments are closed.