SUMIRIT ang presyo ng freshwater fish ng hanggang P30 kada kilo, base sa monitoring ng Department of Agriculture (DA).
Mula P150 hanggang P220 noong Enero 15, ang presyo ng bangus ay tumaaa sa hanggang P250 kada kilo.
Pumapalo naman sa P170 kada kilo ang presyo ng tilapia mula P110 hanggang P160, dalawang linggo na ang nakalilipas.
Ayon kay Asis Perez, Tugon Kabuhayan co-convenor, ang mababang suplay ng saltwater fish ang nagtulak sa mas mataas na demand para sa freshwater fish.
“Pagka kasi full moon… during that period of time mababa talaga ‘yung huli ng isda natin na alat. Pababa ‘yung kanilang isda na alat so siyempre ‘yun naman ‘yung pagkakataon ng aquaculture na nabebenta ‘yung produkto nila at wala silang kalaban sa merkado so naturally prices will adjust,” sabi ni Perez sa GMA News Online.
Aniya, nananatili ring mababa ang suplay ng local round scad o galunggong na posibleng dahilan kaya tumaas ang presyo ng bangus at tilapia.
“Closed fishing season ‘yun galunggong natin at wala tayong masyadong supply ng galunggong kaya ‘yun yung dahilan siguro kaya medyo mataas,” sabi pa ni Perez.
Related posts:
DAHIL SA PROBLEMA SA TRANSPORTASYON, PRICE HIKE SA BANGUS, TILAPIA
(Sa patuloy na pag-aalburuto ng Bulkang Taal) PRESYO NG TILAPIA, BANGUS TUMAAS
(Tiniyak ng BFAR)SAPAT NA SUPLAY NG ISDA SA SEMANA SANTA
(Bago ang holiday season) PRESYO NG AGRI PRODUCTS STABLE
32% PRICE HIKE SA BILIHIN
PANGAKO NG MANUFACTURERS SA DTI: 3 BUWANG WALANG PRICE HIKE
PRESYO NG BANGUS TUMAAS
BANGUS SHORTAGE SA DAGUPAN HANGGANG DISYEMBRE PA