PRESYO NG ILANG BILIHIN TUMAAS

SUMIRIT ang presyo ng ilang bilihin, gaya ng mantika at bigas, sa unang limang araw ng kasalukuyang buwan.

Batay sa report ng Philippine Statistics Authority (PSA),  umabot sa P156.78 ang average retail price ng kada litro ng cooking oil mula sa  P154.75 at P154.96 na presyo nito noong Marso.

Bahagya ring tumaas ang presyo ng kada kilo ng regular milled rice sa P51.39, mula sa P51.21 at P51.14 noong nakaraang buwan.

Tumaas din ang presyo ng kada kilo ng Hawaiian Ginger, na pumalo sa P130.39 mula sa dating P119.31 at P121.62 na presyo nito.

Samantala, bumaba naman ang presyo ng kada kilo ng kamatis, kung saan ang average price nito ay nasa P71.80 na lamang, mula sa dating P80.40 at P88.55.

Bukod sa kamatis, bumaba rin ang presyo ng kada kilo ng galunggong na nasa P204.05 habang nasa P157.62 naman ang average retail price ng kada kilo ng manggang kalabaw.

DWIZ 882