IIMBESTIGAHAN na ng National Privacy Commission (NPC) ang isiniwalat ni Foreign Affairs Secretary Teddy Locsin na tinangay ng dating passport production contractor ng DFA ang datos ng ilang passport holder.
Ayon sa NPC, kanilang pagpapaliwanagin ang mga DFA official maging ang hindi pa pinapangalanang foreign passport contractor.
Dapat umanong matiyak na hindi makokompromiso ang anumang personal na impormasyon ng mga passport holder.
Maraming bagong aplikante ang hinihinalang posibleng maabala dahil kailangang magsumite ng panibago at orihinal na kopya ng birth certificate para sa passport renewal.
Kamakalawa ay inamin ni Locsin na kailangan nilang buuing muli ang kanilang database dahil wala na sa kanilang kamay ang physical copy ng dokumentong isinumite sa kanila ng mga aplikante nang mag-apply ng pasaporte ang mga ito.
PROBE SA PASS-PORT DATA MESS
Comments are closed.