NAIS ng Philippine Sports Commission (PSC) na maging isang ganap na independent body ang Philippine National Anti-Doping Organization (PHI-NADO) na magseserbisyo sa national athletes.
Tinukoy ni PSC Chairman Richard Bachmann ang buong suporta ng Malacanang sa layuning bumuo ng isang independent PHI-NADO na magseserbisyo sa national athletes at upang maging fully compliant sa World Anti-Doping Code, at may suporta ng mga miyembro ng Senado at Kamara.
Kailangang palakasin ng Pilipinas, na inalis sa compliance watch list ng World Anti-Doping Agency (WADA) noong nakaraang linggo, ang anti-doping program nito at patuloy na turuan ang mga atleta at coac mula sa iba’t ibang national sports associations (NSAs).
“Given the progression of the anti-doping world, a lot of countries have independent anti-doping agencies. This is the proper time we have one in PHI-NADO,” sabi ni PSC executive director Paulo Tatad sa Philippine Sportswriters Association (PSA) forum kahapon sa Rizal Memorial Sports Complex.
“We are making sure we do the necessary steps. Our friends in Malaysia, Indonesia, Thailand gave a lot of insights. And given all of that, we are in the right direction,” dagdag pa niya.
CLYDE MARIANO
