(Publiko hinikayat ng Obispo) POLITICAL DYNASTY HUWAG SUPORTAHAN

HINIKAYAT ng isang obispo ng Simbahang Katolika ang publiko na huwag suportahan ang political dynasty sa darating na 2022 national and local elections.

Ayon kay Manila Auxiliary Bishop Bro­derick Pabillo, na bagong talagang obispo ng Taytay, Palawan, ang pagtangkilik sa political dynasty ay hindi mainam para sa demokrasya ng bansa.

Sinabi ni Pabillo na umaasa siya na magi­ging mapanuri ang mga botante sa pagpili ng mga ibobotong kandidato sa susunod na halalan.

“Hopefully, we voters will be discerning. If we knew that the candidate is a relative, child or spouse of a politician wanting to take charge, don’t vote for that candidate,” anang obispo, sa ginanap na on line town hall meeting, kasama ang  opposition coalition 1Sambayan.

Inihayag ng obispo na dinodomina ng political dynasty ang lokal at national politics kaya’t mahirap papanagutin ang mga tiwaling opisyal miyembro ng kanilang pamilya.

Aniya, walang batas laban sa dynasty sa kabila ng “Constitutional clause” na pumipigil sa kanila dahil marami sa Kongreso ang bahagi rin ng political dynasties.

“Because we still don’t have a law banning political dynasties, they continue to exist and use government resources to campaign for themselves and their families,” dagdag pa ni Pabillo.

Giit pa niya, hindi pino-promote ng political dynasty ang mahusay at tapat na pamumuno.

Sinabi pa niya na maraming mga lalawigan sa bansa  ang pinamumunuan lamang ng isang pamilya kaya laganap ang korupsiyon at pang aabuso sa kapangyarihan.

“There are families who have made politics their way to earn a living and are ‘turfing’ their positions. This is not good for our democracy,” dagdag ni Pabillo. ANA ROSARIO HERNANDEZ

Related posts:

COVID-19 SA PIITAN (Ikinabahala ng mga Obispo) PUBLIKO PINAG-IINGAT SA PAGBILI NG ‘DI AWTORISADO COVID VACCINE (Iminungkahi ng Obispo ngayong pandemya) KUMPISAL GAWING VIRTUAL  POLITICAL ADS SA SOCIAL MEDIA BAHAGI NG CAMPAIGN EXPENSES PUBLIKO, GINULAT NI PRRD SA PAGRERETIRO SA PULITIKA MGA KANDIDATO, HINIMOK NG OBISPO NA IWASANG MAGPAKALAT NG FAKE NEWS PARA MANALO SA ELEKSIYON PUBLIKO MAGING EARTH DEFENDERS PUBLIKO, BINALAAN SA HEART ATTACK SA PASKO