(Publiko pinag-iingat ng BFAR) 3 LUGAR SA VISMIN POSITIBO SA RED TIDE

TATLONG lugar sa Visayas at Mindanao ang natuklasang positibo sa paralytic shellfish poison o toxic red tide na lumagpas sa regulatory limit, ayon sa  Bureau of Fisheries and Aquatic Resources (BFAR).

Ayon sa BFAR, hindi ligtas kainin ang lahat ng uri ng shellfish at alamang sa coastal waters ng Dauis, at Tagbilaran City sa Bohol;  Lianga Bay sa Surigao del Sur; at Dumanquillas Bay sa Zamboanga del Sur

Gayunman, sinabi ng BFAR na ligtas kainin ang mga isda, pusit, hipon at alimasag mula sa naturang mga lugar basta sariwa at huhugasang mabuti, at tatanggalin ang internal organs tulad ng hasang at bituka bago lutuin.

Ligtas naman na sa toxic red tide ang coastal waters ng Milagros sa Masbate, Carigara Bay sa Leyte, at Murcielagos Bay sa Zamboanga del Norte.