PINAPAALALAHANAN ng Department of Health (DOH) ang mga ospital sa bansa na hindi nila maaaring tanggihan ang mga pasyenteng may sintomas ng 2019-novel coronavirus.
Ayon kay Health Undersecretary Eric Domingo, kailangan tanggapin ng mga level 2 at level 3 licensed hospital ang mga pasyente gayong may kakayahan ang mga ito para i-isolate at i-treat ang infectious diseases.
Aniya, mas magiging mataas ang banta ng infection kapag inilipat ang pasyente sa ibang medical facility.
Samantala, nasa 31 na ang persons under investigation (PUI) sa bansa.
Kaugnay nito, umapela ang Malakanyang sa publiko na iwasan ang ‘discrimatory behavior’ sa gitna ng coronavirus scare na nangyayari sa bansa.
Ani Presidential Communication Secretary Martin Andanar, hindi dapat maging mapagmataas sa ating kapwa pati na sa ibang mga lahi.
Iginiit pa nito, walang basehan na matakot tayo sa isa’t isa at agad na ikondena ang ating kapwa dahil lang sa pangambang baka mahawaan ng virus.
Kaugnay nito, nanawagan si Andanar sa lahat na manatiling kalmado at maging mahabagin habang ginagawa ng pamahalaan ang lahat para hindi kumalat ang nabanggit na sakit. DWIZ 882
Related posts:
(Nahawa sa labas ng Pinas–DOH) PASYENTE NG NCOV NAMATAY
ISRAEL AT LEBANON MAY NAITALANG KASO NG COVID-19
IMMIGRATION HIRAP SA SCREENING NG MGA DAYUHAN
PUIs 23 NA LANG – DOH
INFO DRIVE RE-COVID-19 ISINASAGAWA NG DOH SA SCHOOLS
196 PINOY SA MACAU PAUUWIIN NA
(Abogadong galing sa Japan at isa sa San Juan) 2 BAGONG KASO NG COVID-19
PUBLIKO IWASAN MAGTUNGO SA HOLY LAND
Comments are closed.