CAVITE – NAPATAY ang isang operatiba ng pulisya nang makasagupa nitong drug courier sa isinagawang buy-bust operation sa bahagi ng Barangay Biga, Tanza kahapon ng umaga.
Napuruhan sa dibdib ang biktimang si Cpl. John Paul Digma na miyembro ng Intelligence Operatives sa Tanza MPS habang ang sinasabing drug courier na nakalaban ng pulisya ay nakilalang si alyas Jay Alang Ilang.
Sa inisyal na police report ni SSg. Francis Mark Cortez mula sa Camp Pantaleon Garcia sa Imus City, lumilitaw na inilatag ng grupo ni Digma ang buy-bust operation laban kay alyas Jay na sinasabing nagpapakalat ng shabu sa nasabing barangay.
Nabatid na nakatunog si Alyas Jay na ang poseur-buyer na kanyang ka-deal na bibili ng droga ay isang pulis kaya pinutukan nito ng baril kung saan gumanti naman ng putok ang ilang pulis na nakaantabay sa paligid ng nasabing lugar.
Duguang bumulagta si alyas Jay habang naisugod naman sa pagamutan si Digma subalit namatay din habang ginagamot kung saan nagpapatuloy ang naman ang imbestigasyon ng pulisya. MHAR BASCO
Related posts:
P10-M AYUDA SA MGA NAULILA NG 7 PULIS NA NAMATAY SA MARAWI
PANIBAGONG TRAINING SA MGA PULIS
PULIS NA DINUKOT NG NPA LAYA NA
5 PULIS NA NANG-IWAN SA ERE SINIBAK
17 PULIS NA “NAGPABAYA” SA ESTASYON KINASUHAN
2 PULIS NA ‘ADIK’ NAKAHULI NG 3 PUSHERS
PULIS NA UMAWAT SA AWAY-LASING BINUGBOG
PULIS NASAMPOLAN SA INDISCRIMINATE FIRING