RIZAL-SUGATAN ang isang police traffic officer matapos itong mabangga ng rumaragasang commuter van na may plakang NFG- 9442 habang nagmamando ng trapik sa may bahagi ng Manila East Road, Brgy.Maybangcal, Morong sa lalawigang ito.
Nakilala ang sugatang pulis na si PCMS Egson Aris Razo Pascua, miyembro ng Morong MPS na nakatalaga sa Traffic Section.
Base sa report ng Morong PNP, dakong alas-7:20 ng gabi habang nakatayo sa gitna ng kalye ang pulis at nagmamando ng daloy ng trapiko ay biglang sumulpot ang matulin na van at inararo nito ang pulis ay nagtamo ito ng maraming gasgas at mga sugat sa braso at katawan.
Kinilala ang driver ng van na si Eric Lacebal Ituriaga.
Nagawa naman madala agad sa Amang Rodriguez Memorial Medical Center sa Marikina City ang biktima upang mabigyan ng medical treatment.
Kasalukuyan namang nasa Morong PNP custodial facility ang van driver na agad na nadakip at nakatakdang sampahan ng mga kasong RIR in Serious Physical Injury. BONG RIVERA