CAMP CRAME-SUMAMPA na sa 109 ang bilang ng mga pulis na dinapuan ng coronavirus disease (COVID-19) makaraang madagdag ang apat na nagpositibo sa naturang sakit.
Sinabi ni PNP Health Service Director PBrig. Gen. Herminio Tadeo Jr. na ang ang mga bagong confirmed COVID-19 cases ay 35-anyos na babaeng pulis, 32-anyos na lalaki, 39-anyos na babae at 45-anyos na lalaki na lahat ay naka-assign sa Metro Manila.
Labimpito naman sa dinapuan ng sakit ay nakarekober na habang wala namang nadagdag sa tatlong nasawi.
Tatlundaan at animnapu’t siyam (369) naman ang nasa kategorya ng Probable Person Under Investigation (PUIs) habang ang 375 ay suspected person under inves-tigation (PUIs).
Sa kabuuang 1,050 na pulis na apektado, kabilang ang 335 probable PUIs, 713 suspected PUIs at dalawang confirmed patients ang nakakompleto ng self quarantine sa ilalim ng strict monitoring and observation ng PNP doctors.
Tatlumpu’t pitong pulis na PUIs naman ang nasa pangangalaga ng NHQ PNP COVID-19 Patient Care sa Kiangan Billeting Center.
Tiniyak naman ni PNP Chief, Gen. Archie Francisco Gamboa na ginagawa nila ang lahat para pigilan ang paglaki ng kaso ng COVID-19 sa kapulisan. EUNICE C.
Related posts:
4 METRO COPS TINAMAAN NG COVID-19
(Para mabilis ang contact tracing sakaling dapuan ng COVID-19) MGA PULIS PINAGDA-DIARY NI GAMBOA
NUMERO NG PULIS NA NAHAWAHAN NG COVID-19 NASA 22 NA
55 PULIS DINAPUAN NG COVID-19
6 PULIS NADAGDAG SA MGA NAHAWAAN NG COVID-19
(Confirmed cases nasa 112 na) 3 PANG PULIS NAHAWA NG COVID-19
(29 pulis natapos ang 14-day quarantine sa Patient Care Center sa Camp Crame) PHIL-SPORTS QUARANTINE FACILITY PANGANGASIWAAN NG PNP
(Para iwas sa summer disease) REGULAR ROTATION SA MGA PULIS NA NASA QCP
Comments are closed.