PULIS NA DINUKOT NG NPA LAYA NA

ISABELA – LABIS ang  kaligayahan ng pamilya ng dinukot na pulis matapos na pakawalan ito at walang anumang palatandaan na sinaktan ito ng mga abductor na umano’y kasapi ng New People’s Army

Sa nakuhang impormasyon kay Irraya Carinugan, media officer ng Reynaldo Piñon Command, NPA, kanyang inihayag na pinakawalan nila si PO2 Danilo Maurmakaraang ng mapatunayang wala naman umanong naging kasalanan ito.

Ayon kay Irraya Carinugan, ipinasakamay na nila sa isang opisyal ng lokal na pamahalaan ang nasabing pulis.

Una nang inihayag ni Carinugan na kanilang dinukot si PO2 Maur dahil sa kanilang impormasyon na sangkot siya sa illegal logging at paniniktik sa kanilang kilusan.

Nauna na ring pinabulaanan ng Supt. Rafael Pagalilauan, hepe ng Ilagan City Police Station na sangkot ang pulis na si Maur sa illegal logging at ang kanyang negosyo lamang ay nagbibiyahe ng mga paninda sa mga sinusuplayan na mga tindahan sa Sindon Bayabo, Ilagan.