BUTUAN CITY- PATAY ang isang pulis matapos agawan ng baril nang aarestuhin suspek na naganap sa Purok 6, Brgy. Ampayon sa lalawigang ito.
Batay sa report ng pulisya ang biktima ay nakilalang si Corporal Lanklein Niepes Plaza, kasalukuyang nakatalaga sa Regional Special Operations Unit 13.
Sa ulat mula sa Butuan City Police Station-4, naglunsad ng anti-illegal firearm operation ang biktima kasama si Staff Master Sergeant Teodoro Clemm Boquilon Paredes, Jr. dakong alas-9 ng gabi laban sa suspek na si Mark Tapic na residente sa Barangay Ampayon, Butuan City.
Sa nasabing operasyon at pag-aresto sa suspek ay nagawa nitong agawin ang baril ng biktima at agad na binaril si Plaza ng dalawang beses sa katawan.
Matapos ang pamamaril ay agad na tumakas ang suspek na si Tapic tangay ang service firearms ng biktima.
Agad namang isinugod sa MJ Santos Hospital ang biktima subalit idineklara ng attending Physician na si Dr, Miranda Billozos na dead on arrival.
Hanggang sa kasalukuyan ay patuloy na nagsasagawa ng hot pursuit operation ang mga awtoridad para sa garang ikadarakip sa naturang suspek.
EVELYN GARCIA