NUEVA ECIJA – MATAPOS ang malalimang imbestigasyon at follow-up operation, nakilala at nadakip na ng mga operatiba ng San Jose City Police ang utak sa pagpatay sa forest ranger.
Sa report ni Lt. Col. Heryl Bruno, kinilala ang nadakip na si alyas Corporal, miyembro ng 2nd Provincial Mobile Force na nakabase sa Brgy. San Juan, San Jose City.
Base sa inisyal na imbestigasyon ng mga pulis, nadakip si Corporal makaraang umamin sa partisipasyon ang nadakip na si Eugene Cayabyab, 46-anyos, illegal logger.
Habang napatay naman ang triggerman na si Ariel Andrade, alyas Amber, ng Sitio Masiway Brgy, Sampaloc Pantabangan.
Ayon kay Cayabyab, inutusan sila ng mastermind na iligpit o patayin si Ronaldo Corpuz 43, forest ranger ng DENR ng Zone 6, Brgy. Villa Joson.
Aniya, bago ang pagpaslang, nag-inuman muna sila noong Oktubre 26 ng hapon, at ganap na alas-7:30 ng gabi nang itumba nila si Corpuz.
Matapos ang pamamaril, agad din nilang ibinalik ang ginamit na baril kay Corporal na ibinaon sa compound ng mastermind na narekober ng awtoridad. THONY ARCENAL
Related posts:
P10-M AYUDA SA MGA NAULILA NG 7 PULIS NA NAMATAY SA MARAWI
PANIBAGONG TRAINING SA MGA PULIS
PULIS NA DINUKOT NG NPA LAYA NA
5 PULIS NA NANG-IWAN SA ERE SINIBAK
17 PULIS NA “NAGPABAYA” SA ESTASYON KINASUHAN
2 PULIS NA ‘ADIK’ NAKAHULI NG 3 PUSHERS
PULIS NA UMAWAT SA AWAY-LASING BINUGBOG
PULIS NASAMPOLAN SA INDISCRIMINATE FIRING
Comments are closed.