PULIS NA NANGMOLESTIYA SA QUARANTINE VIOLATOR PINASISIBAK NA

BATAAN –IPINAG-UTOS na ni Philippine National Police (PNP) Chief, General Guillermo Lorenzo Eleazar ang pagtanggal sa serbisyo ng pulis na inakusahang nangmolestiya ng quarantine violator sa Mariveles sakaling napatunayang totoo ang bintang sa kanya.

Ayon kay Eleazar kanyang inatasan ang PNP-ILAS na pasimulan na ang pagsasagawa ng summary dismissal proceedings laban sa kay Patrolman Elmer Tuazon Jr.

Bukod kay Tuazon, isang Armando Dimaculangan na nakatalaga bilang marshal team leader sa control point sa Barangay Batangas 2 ang kasama sa inakusahan ng pangmomolestiya sa complainant .

Sinampahan na ang dalawa ng mga kasong rape by sexual assault at Acts of Lasciviousness sa piskaliya kung saan agad itong i-aakyat sa korte matapos makakita ng probable cause.

Kaugnay nito , humihingi ako ng paumanhin si Eleazar sa biktima at sa kanyang pamilya dahil sa kanyang sinapit kasabay ng pagtiyak na makakamit nila ang hustisya.

“Makakatiyak din ng agarang aksyon ang ating mga kababayan laban sa mga tiwali sa aming hanay kaya nakikiusap din ako na huwag sanang lalahatin ang kapulisan dahil iilan lamang ang mga ito at higit na mas nakakarami ang mga pulis na handang tumulong at gumagawa ng tama sa ngalan ng police service,” dagdag pa niya.

Hinimok din ni Eeleazar ang publiko na agad magsampa ng reklamolaban sa mga pulis na sangkot sa maling gawain. VERLIN RUIZ