QUEZON – LABINWALO ang sugatan matapos sumalpok ang isang puting van na may plakang NCJ-4311 sa isang puno sa Provincial Road, Brgy. Lakawan, Tayabas City.
Binabagtas ng driver ng van na si Crispin Almarines Jr. ang nasabing highway patungo ng Tayabas City proper nang mawalan ng kontrol sa manibela ang driver na kumabig pakanan at araruhin ang puno ng Narra at concrete barrier na nasa tabing daan.
Base sa report ng Tayabas-PNP kabilang sa mga pasahero ng van na nagtamo ng mga pinsala sa iba’t ibang bahagi ng katawan ay limang menor kasama na ang driver.
Dinala naman sa Tayabas Community Hospital ang mga biktima ng nagrespondeng NDRRMC upang magamot, wala namang napaulat na nasawi sa aksidente at patuloy na iniimbestigahan ng pulisya ang pangyayari kung may pananagutan ang driver sa aksidente. BONG RIVERA
Comments are closed.