ZAMBOANGA CITYBULTO-bultong smuggled cigarettes ang nasabat ng militar at Philippine Coast Guard sa isang commercial vessel sa lungsod na ito sa International Pier kahapon.
Sa ulat na ibinahagi ni Western Mindanao Command chief, LtGen. Cirilito Sobejana, nasamsam ang mga kontrabandong sigarilyo mula sa MV Mary Joy 1.
Nagsagawa ng law enforcement operation ang pinagsanib na elemento ng Task Force Zamboanga, Philippine Coast Guard, at Task Force Aduana sa Zamboanga wharf.
Ayon kay Col. Antonio John Divinagracia, Task Force Zamboanga Commander, nakatanggap sila ng impormasyon na libo-libong halaga ng puslit na sigarilyo ang ipapasok sa kanilang area of responsability.
“Joint operations are intensified to curtail shipment and importation of contrabands in western Mindanao,” ani Divinagracia.
Iba’t ibang brands ng sigarilyo na itinago sa mga carton ng prutas at isda ang nadiskubre at nasamsam ng mga sundalo ng sampahin ang MV Mary Joy na isang passenger vessel na nagmula sa Jolo, Sulu.
“Operations are coordinated and strengthened to assist law enforcers in pursuing smugglers and suppressing illegal importation of goods within the borders of western Mindanao,” pahayag naman ni Lt. Gen. Cirilito Sobejana. VERLIN RUIZ
Related posts:
MALALAKING KAHON NG PEKENG SIGARILYO NASABAT
P900K SMUGGLED NA YOSI NASABAT SA ZAMBOANGA
SMUGGLED NA SIGARILYO HULI SA CHECKPOINT
NAGBENTA NG FAKE CIGARETTES KALABOSO
P6-M PUSLIT NA SIGARILYO NAKUMPISKA SA RAID
4 MACHINES PARA SA FAKE CIGARETTES
PUSLIT NA YOSI NASAMSAM
TSINO ARESTADO SA P8.9M SMUGGLED CIGARETTES
Comments are closed.