CAVITE- MULI na naman may nakitang chop chop na bahagi ng katawan ng tao sa CALAX sa Silang na nakabalot sa itim na garbage bag nitong Sabado.
Unang nadiskubre ng mga tauhan ng CALAX ang putol na binti sa daluyan ng tubig na nasa gilid ng kalsada at agad na ipinagbigay-alam sa pulisya.
Dahil dito, pinatabas ng mga awtoridad ang mga malalagong damo para alamin kung may iba pang putol na katawan at dito na tumambad ang isang pugot na ulo na halos isang metro lang ang layo kung saan nakita ang binti.
Matatandaang na may natagpuang bangkay na pinutulan ng ulo, mga kamay, at paa noong Marso 18 sa CALAX.
Inaalam pa ng mga awtoridad kung bahagi ng naturang bangkay ang mga natagpuang binti at ulo. SID SAMANIEGO
