Standings W L
Choco Mucho 7 1
PLDT 7 1
PetroGazz 6 2
Creamline 6 2
Chery Tiggo 6 2
Cignal 5 3
Akari 4 5
Nxled 3 5
Farm Fresh 2 6
Galeries Tower 2 6
Capital1 1 8
Strong Group 0 8
Mga laro ngayon:
(Philsports Arena)
2 p.m. – Farm Fresh vs Galeries Tower
4 p.m. – Choco Mucho vs Strong Group
6 p.m. – Creamline vs Nxled
NAKATUTOK ang Choco Mucho sa isa sa semifinal berths sa pagharap sa kulelat na Strong Group Athletics habang sisikapin ng Creamline na palakasin ang kanilang sariling kampanya kontra Nxled sa Premier Volleyball League All-Filipino Conference ngayong Sabado sa Philsports Arena.
Inaasahan ang mainit na bakbakan sa Finals rematch sa pagitan ng Flying Titans at ng Cool Smashers sa Huwebes sa Smart Araneta Coliseum. Subalit para sa Choco Mucho at Creamline, nakapokus sila sa kanilang laro ngayon dahil ang dalawang koponan ay nakaipit sa hotly-contested six-way battle para sa apat na semifinals slots kasama ang PLDT, PetroGazz, Chery Tiggo at Cignal.
Winalis ng Crossovers ang HD Spikers, 26-24, 25-20, 26-24, noong Huwebes ng gabi upang makatabla ang Angels at Cool Smashers sa third hanggang fifth spots sa 6-2.
Nangunguna ang Flying Titans at High Speed Hitters sa standings na may 7-1 records subalit kailangan nilang magwagi pa ng dalawa upang makuha ang kanilang semis spots na walang kumplikasyon ng point tiebreakers.
Ang walang larong Akari (4-5) ay may mathematical chance pa ngunit kailangan nilang maipanalo ang lahat ng kanilang nalalabing laro at umasang may pinakamataas na tiebreaker sakaling magkaroon ng pagtatabla sa 6-5.
Gagamitin ang PVL points system upang basagin ang pagtatabla at madetermina ang qualification.
Magsasagupa ang Choco Mucho at Strong Group sa alas-4 ng hapon, habang magsasalpukan ang Creamline at Nxled sa alas-6 ng gabi.
