LUMUSOT ang bola sa likod ni Aprylle Tagsip ng Farm Fresh mula sa manlalaro ng Nxled sa kanilang laro sa Premier Volleyball League All-Filipino Conference preliminaries nitong Martes sa Philsports Arena. Kuha ni RUDY ESPERAS
PINATALSIK ng Nxled ang Farm Fresh, 24-26, 25-20, 25-23, 20-25, 15-11, sa Premier Volleyball League All-Filipino Conference kahapon sa Philsports Arena sa Pasig.
Sa kanilang ikalawang sunod na panalo, ang Chameleons ay umangat sa 3-5 habang nahulog ang Foxies sa 2-6.
Gayunman, ang panalo ng PLDT laban sa wala pang panalong Strong Group ay magpapatalsik din sa Nxled.
Nagbuhos si Ivy Lacsina ng 21 points, bumanat si Lycha Ebon ng 4 service aces para sa 17-point outing habang umiskor sina Chaira Permentilla at Camille Victioria ng tig-16 points para sa Nxled.
Nanguna si Trisha Tubu para sa Farm Fresh na may 19 points, nagdagdag si Cait Viray ng 18 points, kabilang ang 2 blocks, habang nag-ambag si Kate Santiago ng 11 points.
