RACHEL ALEJANDRO KINARIR SI AURORA QUEZON

BOOMING ang premiere diet at healthy food delivery business na The Sexy Chef ng singer-actress na si Rachel Alejandro kung saan kasosyo niya ang kanyang kapatid na si Chef Bami Alejandro-Rennebeck.

Katunayan, hands on din siya sa nasabing business dahil dumaraan daw sa rigid quality control ang mga pagkaing kanilang inihahain sa kanilang mga kliyente.

Minsan daw, bago pa i-serve ang mga ito, kailangan niyang tikman ito kung papasa sa kanyang masusing panlasa.

Speaking of Rachel, proud siya dahil siya ang napiling gumanap bilang Aurora, asawa ng Presidente Manuel L. Quezon sa pelikulang “Quezon’s Game”.

Sey pa niya, dream come-true raw ito para sa kanya.

Katunayan, para maging makatotohanan ang kanyang pagganap, nagsagawa siya ng sariling research ng nasabing historical icon.

“I’m glad na there’s a lot of materials available online. I also read this book, Aurora: Her Love and Her Works, then I had to base rin iyong character based on the accounts of people who had personal encounters with her. Iyong pagkakakilala nila sa kanya as a person, how she’s as a person na siyang binuo ko for myself,” kuwento niya.

Sa kanyang pagsasaliksik, marami rin daw siyang natutunan sa First Lady ng Unang Pangulo ng Philippine Commonwealth.

“Empowered woman kasi siya from the beginning. I found out na even before she became First Lady, she already fought for the rights of women to be able to vote. While she was First Lady, she also dedicated her life to public service. Para siyang si Mother Theresa. She was also very active sa Philippine National Red Cross where she became the first Chairperson. That’s why she’s called the Mother of Philippine National Red Cross,” pahayag niya.

Paliwanag pa niya, napapanahon daw na maikuwento ang buhay, hindi lang ng Ama ng Wika kundi ng asawa nitong si Aurora para magsilbing inspirasyon.

“It’s so timely and relevant, especially now that the world is so watak-watak and there’s so much division. There’s so much fighting and then comes this movie about love and how love triumphs over all and against all odds. Para bang after all, after this election and all division, people na nagkakagalit sa facebook o nag-u-unfriendan na, this is one instance na nagkaisa talaga ang country natin na bakit ba tayo makikialam diyan, but we have to because it’s the right thing to do,” paliwanag niya.

Sa “Quezon’s Game” nagwagi si Rachel ng excellence in acting award sa Worldfest Houston International Film Festival na ginanap sa Texas, USA.

Mula nang maipalabas noong Disyembre abroad, nanalo na ito ng 23 awards kasama na ang best director, best actor, best producer, best foreign film at best cinematography sa Worldfest, IndieFest Film Awards, Accolade Global Film Competition, Maryland International Film Festival, Ramsgate International Film and TV Festival at REMI Awards.

Mula sa direksyon ni Matthew Rosen, first time itong mapapanood locally sa mga sinehan ngayong Mayo.

GARDO VERSOZA IKINASAL NA

IKINASAL na ang magaling na aktor na si Gardo Versoza sa kanyang long-time girlfriend na si Ivy Vicencio.