SA FINALE episode ng GGV, natanong ni Vice Ganda ang matapang na broadcaster
na si Raffy Tulfo kung takot ito sa kanyang asawa.
Nilinaw naman ng social media superstar na hindi siya ander de saya sa misis niyang si Jocelyn at kung nagpapasakop man siya rito ay dahil sa respeto at pagmamahal niya rito.
Sa naturang episode rin, nagpasalamat din si Vice kay Raffy dahil noong nag-uumpisa raw siya sa showbiz, isa ito sa mga tumulong sa kanya.
Naging suki rin daw niya ito kapag kinukuha siya ng broadcaster sa mga shows at ibang engagements.
Hirit pa ni Vice, malalim daw ang pundasyon ng pagkakaibigan nila ni Tulfo at hindi na ito matitibag.
MIKE TAN NAWALA ANG WEDDING RING
MALUNGKOT na ibinalita ng Kapuso actor na si Mike Tan na nawala ang kanyang wedding ring habang nagte-taping sila sa Banaue.
Sey niya sa kanyang socmed account:
“I unfortunately lost my wedding band in one of our taping locations in Banaue. If you are in any of the following areas: Hiwang Road, Hiwang Native Inn, and Banaue Museum and happen to spot this ring please message me directly on my FB page, Twitter and IG”.
Marami naman ang nag-react sa pagkawala ng kanyang singsing.
May nakikisimpatiya at wish na matagpuan ng actor ang nawawalang recuerdo sa kasal ng kanyang kabiyak. Mayroon namang kate-katerang nang-iintrigang masamang pangitain daw ito dahil malamang mauwi sa hiwalayan ang pagsasama nila ng kanyang non-showbiz wife.
Comments are closed.