MAGIGING special guest si Philippine Sports Commission (PSC) chairman William ‘Butch’ Ramirez sa special face-to-face session ng Philippine Sportswriters Association (PSA) Forum ngayong Martes, Hunyo 14.
Ang public sports program ay magsisimula sa alas-10:30 ng umaga sa PSC ground floor office.
Inaasahang tatalakayin ni Ramirez ang mga programa at accomplishments ng government sports agency sa nakalipas na anim na taon sa ilalim ng kanyang termino, at kung ano ang naghihintay sa Philippine sports sa ilalim ng bagong administrasyon
Ang session ay itinataguyod ng San Miguel Corporation (SMC), MILO, Philippine Sports Commission, Philippine Olympic Committee, Unilever, Amelie Hotel Manila, at ng Philippine Amusement and Gaming Corporation (PAGCOR).
Ang Forum ay ila-livestream via PSA Facebook page at mapakikinggan sa delayed basis sa Radyo Pilipinas 2 na opisyal din itong isini-share sa kanilang Facebook page.
