NAGPASABOG si Kawhi Leonard ng career playoff best na 45 points at humablot ng 11 rebounds nang dispatsahin ng Toronto Raptors ang bumibisitang Philadelphia 76ers, 108-95, noong Sabado ng gabi sa opening game ng kanilang Eastern Conference semifinal.
Nagdagdag si Pascal Siakam ng 29 points at 7 rebounds para sa Raptors at nagdagdag si Kyle Lowry ng 9 points at 8 assists.
Tumipa si JJ Redick ng 17 points para sa 76ers, nag-ambag si Joel Embiid ng 16 points at 8 rebounds, at gumawa si Tobias Harris ng 14 points at 15 rebounds. Nagtala rin si Ben Simmons ng 14 points at 9 rebounds, habang umiskor si James Ennis III ng 11 points at nagdagdag si Jimmy Butler ng 10.
Umabante ang Raptors ng hanggang 19 points at kinuha ang 11-point lead papasok sa fourth quarter. Isang 14-footer ni Leonard ang nagbigay sa Raptors ng 18 puntos na kalamangan, may 7:06 ang nalalabi. Lumobo ang bentahe sa 20 sa jumper ni Leonard, may 4:17 sa orasan.
Samantala, nagbuhos si Nikola Jokic ng 21 points, 15 rebounds at 10 assists, at tumapos si Jamal Murray na may 23 points upang pangunahan ang host Denver Nuggets na sibakin ang San Antonio Spurs, 90-86, sa Game 7 ng Western Conference quarterfinal series noong Sabado ng gabi.
Naisaayos ng second-seeded Nuggets ang semifinals duel sa fourth-seeded Portland Trail Blazers. Nakatakda ang Game 1 sa Lunes sa Denver.
Comments are closed.