REGINE VELASQUEZ-ALCASID MATAGAL NANG NAGPAALAM SA GMA7

TSIKANG matagal na rin daw na nagpaalam ng maayos ang songbird na si Regine Velasquez-Alcasid sa GMA7 management, as early as January pa raw ng taong ito. At kung kaya kapansin-pansin din daw na karamihan sa show at concert ni Regine ang kasama niya ay mula sa ABS-CBN at kitang-kita ang total support ng naturang estasyon kay Regine.

Tsika na tinapos na raw lang talaga ni Regine ang kanyang kontrata at gayun din ang Kapuso Network kung kaya nabuo ang “The Clash” kasabay nang pagtatapos niya ng kontrata sa GMA7.

Magkakaiba naman ang naging opinyon ng netizens sa paglipat ni Regine sa ABS-CBN, may sang-ayon sa plano na ito ni Regine para mas lalo pa niyang mapagbuti ang kanyang craft lalo pa nga’t hindi na rin siya bumabata at maraming baguhang  pumapasok  sa music industry.

May nagsasabi namang gagawin lang din siyang “one of those” sa ASAP at judge sa singing contest ng “It’s Showtime” ang “Tawag Ng Tanghalan” segment ng show.

RHIAN RAMOS BABU NA SA SHOW NILA NI SOLENN HEUSSAFF

DALAWANG taon rin naman na naging co-host ni Solenn Heussaff si Rhian Ramos sa  “Taste Buddies” ng GMA News TV show. Dahil na rin sa “Taste Buddies”, naging malapit ang dalawang aktres sa isa’t isa.

Ngayon ngang bali-balitang lilipad si Rhian sa Estados Unidos para mag-aral, marami tuloy ang nagtatanong kung itutuloy niya pa rin ba ang pagiging co-host niya sa “Taste Buddies”. Ano man ang maging desisyon niya, malamang ay susuportahan siya ni Solenn.

At sa mga tsumitsikang baka palusot lang ito ni Rhian dahilan sa mag-oober da bakod siya sa Kapamilya Network, at dahilan na rin nakita si Rhian sa bakuran ng ABS-CBN nang mag-promote siya ng movie nila ni Jolo Revilla, say ng sexy young actress, under contract pa rin siya sa GMA7.

SUNSHINE CRUZ  MAGPAKASAL KAYANG MULI NGAYONG

ANNULLED NA ANG KASAL KAY CESAR

AND speaking of marriage, kung may natsitsikang nagbabalak na ngang magpakasal ay iba naman ang kaso ni Sunshine Cruz, nagbalak siyang maging dalaga ulit at mapawalan bisa ang kasal nila ng dating asawang si Cesar Montano. And answered prayer naman ito para kay Sunshine dahilan sa legally ay dalaga na muli ang Kapuso actress, ang bidang babae sa “Kapag Nahati ang Puso” kasama sina Bea Binene at Benjamin Alves, na-grant na kasi ang annulment case nila ng dating asawang si Cesar Montano.

Maluha-luha raw si Sunshine nang makara­ting sa kanya ang balita. Emotional at speechless daw ang byuti ni Sunshine nang iparating sa kanya ng kanyang manager na napawalang-bisa na ang kasal nila ni Cesar. Bago pa man ma-annull ang kanyang kasal ay super paliwanag si Sunshine sa tsikang magpapakasal na raw sila ng non-showbiz boypren at nag-propose na raw ito sa kanya ng kasal.

Marami ang naniniwala kay Sunshine na wala pang proposal and wedding plan soon. Pero ngayon na dalaga na si Sunshine, mapadali na kaya ang muli niyang pagpapakasal?