NAISALIN na ni outgoing Secretary Benhur Abalos sa bagong talagang kalihim na si Secretary Jonvic Remulla ang pamumuno sa Department of Interior and Local Government (DILG).
Ang naturang turnover ceremony para sa bagong kalihim ng DILG kahapon dakong alas 8 ng umaga sa DILG-Napolcom Center sa Quezon City.
Ang naturang selebrasyon ay dinaluhan nina Philippine National Police (PNP) Chief General Rommel Marbil, hepe ng Bureau of Fire Protection (BFP), Bureau of Jail Management and Penology (BJMP) at mga undersecretaries at assistant secretaries ng DILG.
Ayon sa pahayag ni Abalos, sinabi nito na ang pamumuno sa DILG ang isa sa pinakamahirap na posisyon nitong nahawakan, ngunit napagtagumpayan sa tulong ng mga kawani ng ahensya.
Masaya rin aniya nitong ipapaubaya ang DILG sa kamay ni Sec. Remulla na maaasahan at talagang may kakayanan sa kanyang posisyon.
Sinabi naman ng bagong kalihim na hanga ito kay outgoing Sec. Abalos at umaasang mapantayan ang tagumpay nito sa pamumuno sa DILG.
Aminado rin itong nag-alinlangan sandali, nang ialok sa kanya ang posisyon, pero tinanggap niya ang hamon ni Pangulong Ferdinand R. Marcos Jr..
Sa ngayon, wala pa itong binanggit na anumang policy announcement at tututukan muna ang pakikipagpulong sa bawat opisyal ng DILG.
EVELYN GARCIA
Related posts:
ART, SONGWRITING PARA SA PRESO INILUNSAD NG DILG
(DILG lumagda sa joint circular) PONDO NG LGUs ISASAAYOS
(Kampanya vs colorum paiigtingin) 30% NG PUVs WALANG PRANGKISA
P39/K NG BIGAS ALOK SA “SUPER KADIWA” -DILG
(Dulot ng tumitinding heat index) LIGHT UNIFORM PARA SA PNP, BJMP, BFP PERSONNEL APRUB SA DILG
4 PULIS SANGKOT SA KIDNAPPING INIHARAP NG DILG, PNP
RATIO NG CONGESTION SA MGA PIITAN BUMABA -BJMP
QUIBOLOY, ALICE GUO ‘DI LULUBAYAN NG DILG, PNP