IREPORMA na lamang ang National Food Authority (NFA) sa halip na buwagin ito, ayon kay Department of Agriculture (DA) Secretary Manny Piñol.
Ginawa ni Pinol ang pahayag sa gitna na rin ng mga panawagan na buwagin ang ahensiya dahil sa kawalan umano nito ng aksiyon para maresolba ang problema sa bigas sa bansa, partikular ang patuloy na pagtaas ng presyo nito.
Sinabi ni Piñol na mas makabubuti kung magagamit ang potensiyal ng NFA bilang natatanging trading agency sa bansa na kinilala ng World Trade Organization (WTO).
Bukod dito, magagamit din, aniya, ang ahensiya bilang export agency ng iba pang produktong pang-agrikultura ng bansa at maaalis ang imahe nito na nakadikit lamang sa bigas.
Iminungkahi rin ni Piñol na muling isailalim sa DA ang NFA para sa mas maayos na koordinasyon ng dalawang ahensiya.
Related posts:
NFA NAKA-4% LAMANG SA TARGET VOLUME NG PALAY PROCUREMENT
NFA AANGKAT PA NG 500K MT NG BIGAS
BIGAS PARA SA CALAMITY SAPAT
DA, NFA OFFICIALS PINAGBIBITIW
NFA FUND IPINAMBAYAD SA UTANG
P10.78-M MULTANG NALIKOM
NFA-NEGOCC TODO-SIKAP NA MAKABILI NG PALAY PARA SA BUFFER STOCKING
P3-B PONDO SA BRGY, SK POLLS ILILIPAT SA NFA
Comments are closed.