RESOLUSYON SA MGA KASO SA DENGVAXIA ILALABAS NA

PILIPINO Mirror
dengvaxia

INIHAHANDA na ng Department of Justice (DOJ) ang resolusyon sa unang batch ng  kaso ng  Dengvaxia na isinampa ng Public Attorney’s Office (PAO).

Ito ay kasunod ng utos  ni Justice Secretary Menardo Guevarra sa panel of prosecutors na resolbahin na ang  kasong kriminal laban kina dating Health Secretary Janet Garin at iba pang kasalukuyan at dating mga opisyal ng Health Department; Zuellig Pharma at Sanofi Pasteur.

Noong Oktubre ng nakaraang taon pa nang magdesisyon ang panel of prosecutors na submitted for resolution na ang unang batch ng kaso ng Dengvaxia.

Kamakalawa ay pinakaka­suhan  na ng House Committee on Good Government and Public Accountability sina da­ting pangulong Noynoy Aquino, dating Budget Sec. Butch Abad at dating Health Sec. Janette Garin kaugnay sa Dengvaxia vaccine controversy.

Sa rekomendasyon ng komite, pinasasampahan ng kaso sina Aquino, Abad at Garin ng paglabag sa Republic Act 3019 o Anti-Graft and Corrupt Practices Act.

Kasama rin sa pinakakasuhan ang mga miyembro ng Philippine Children’s Medical Center (PCMC) Bids and Awards Committee na sangkot sa procurement at implementas­yon ng vaccination program.

Lumabas sa imbestigasyon ng joint committee na nagkaroon ng sabwatan ang mga nasabing opisyal para matiyak na mabibili ang malalaking bulto ng Dengvaxia vaccine na ginamit sa mga mag-aaral sa National Capital Region at Region III at IV.

Related posts:

dengvaxiaCPR NG DENGVAXIA VACCINE BINAWI NG FDA PAO-13 KASO PA SA DENGVAXIA ISINAMPA NG PAO dengvaxiaGARIN, 19 PA NADIIN SA DENGVAXIA DengvaxiaDRUG MANUFACTURERS HINDI PA LUSOT SA DENGVAXIA CASE dengvaxiaPAO TULOY SA PAGSUSURI SA DENGVAXIA VICTIMS DengvaxiaMGA KAANAK NG DENGVAXIA VICTIMS UMAPELA NG TULONG KAY DUTERTE PAO-2KASO ISINAMPA NG PAO VS PHARMA FIRM ET AL. dengvaxiaDENGVAXIA ‘DI SAGOT SA DENGUE

Comments are closed.