RESTO NI BEA ALONZO SA VENICE GRAND CANAL BINABALIK-BALIKAN NG CUSTOMER

YES, nag-venture sa isang resto ang Kapamilya star na si Bea Alonzo. Isa siya sa part owners ng Big D’s Smokehouse, a casual resto  na may branch na rin sa Venice Grand Canal, Mckinley Hills, The Fort. Masaya si Bea sa mabilis na pagpatok ng kanilang resto na ipinagmamalaki ang chef nila rito na si Dino Paulo Peralta na siyang nag-start ng business na ito.

Ang smoked ribs daw ang favorite ni Bea sa menu at napuna ni chef Dino na kakaunti lang palang kumain itong si Bea. Talagang she takes care of her food intake. Actually, isang director-friend ni Bea ang nag-introduce sa kanya sa resto, si direk Cathy Garcia Molina.

HALL OF DIVAS SA BAKCLASH MAKIKIPAGTAASAN

NANG BOSES SA ASIA’S NIGHTINGALE NA SI LANI MISALUCHA

Matindi ang ginagawang suporta ng Eat Bulaga sa mga bakclasher na belong sa “Hall of Divas.” Yes maliban sa daily exposure ng mga ito sa “BakClash” na hino-host ni Paolo “Maruya Carey” Ballesteros ay binibigyan talaga ng moment ang bawat isa sa mga ito na ngayong Sabado sa Eat Bulaga sa APT Studio ay ang “Asia’s Nightingale” lang naman na si Lani Misalucha ang makaka-harap sa biritan. Makikipagsabayan ang mga talented bading kay Lani para awitin ang mga hit song ng local Diva na isa sa ating Pinoy Pride. Kaya watch niyo ang bonggang-bonggang episode na ito.

CONTROVERSIAL SOCIAL MEDIA PERSONALITY DOVIE SAN ANDRES

BIBIDA SA KANYANG PELIKULA

DAHIL sa agaw-pansin sa social media ay maraming bashers at haters itong si Dovie San Andres, na soon ay bibida na sa kanyang produced movie na ididirek ng good friend niyang si Vic Tiro. Pero para sa BFF naming controversial personality ay hindi na siya apektado sa bashing sa kanya lalo’t hindi naman daw totoo ang mga sinasabi o paratang sa kanya.

Pinaka-worse daw ay may tumawag sa kanyang matandang hukluban, at para sa kanya kung maiinis siya ay siya ang talo, lalo’t sa edad niya ngayon ay proud siya at wala pang siyang kulubot sa mukha. Banidosa raw si Dovie na bago matulog ay kung ano-anong cream at oil na pampaganda ang ipinapahid niya sa kanyang face.

Samantala, very proud Mom si Dovie sa eldest son na si Dean Lewthwaite at napagtapos niya ito ng kolehiyo sa kursong UFV Visual Arts/Fine Arts sa isang university sa Vancouver, Canada.