ANUMAN ang magiging desisyon ng Presidential Electoral Tribunal hinggil sa electoral protest na isinampa ni dating Senador Ferdinand “Bongbong” Marcos Jr. laban kay Bise Presidente Leni Robredo ay igagalang ni Pangulong Rodrigo Duterte.
Ang pagtiyak ay ginawa ng Pangulo nang kunan ng reaksiyon kaugnay sa pagsusumite ng report sa resulta ng recounting ng mga balota sa tatlong pilot provinces ni Supreme Court Associate Justice Benjamin Caguiao na siyang ponente sa nabanggit na kaso.
Ayon sa Pangulo, sa sandaling lumabas ang report ng PET ay maaaring kuwestiyunin pa ito sa Korte Suprema na siyang kakatig o baligtad sa naturang report.
“We will just follow the law. But if the law says that Robredo is the rightful occupant, then we’ll just have to follow the final orders of the Electoral Tribunal or the Supreme Court. What is important here is that we follow the law,” giit ng Pangulo.
Ang tatlong pilot provinces at sumasaklaw sa 5,415 election precincts sa Iloilo, Negros Occidental, at Camarines Sur.
Subalit hindi malinaw kung ano ang nilalaman ng naturang report.
Magugunita na naghain ng electoral protest si Marcos laban kay Robredo dahil sa aniya’y malawakang pandaraya sa vice presidential race.
Natalo si Marcos ng 263,473 boto kay Robredo noong 2016. EVELYN QUIROZ
Related posts:
ROBREDO CAMP DESPERADO NA
PAGKILING KAY LENI SOBRA NA
MALAKANYANG PINAYUHAN SI ROBREDO
(Sa electoral protest ni Marcos) RESULTA NG INITIAL RECOUNT SA ILANG PROBINSIYA ILALABAS
IBINASURANG DISSENTING OPINION NI CAGUIOA GAMIT NG ROBREDO CAMP
BBM SASAGOT SA PET UKOL SA ELECTORAL PROTEST
(Dadalhin sa Visayas at Mindanao kabilang ang Davao) COVID VACCINE EXPRESS PROGRAM NI VP ROBREDO
PAKIKIPAG-USAP KAY ROBREDO AT PACQUIAO, KINUMPIRMA NI ISKO
Comments are closed.