BUKAS ang gobyerno para sa joint venture sa pinakamayayamang Pilipino sa oras na maging operational na ang Maharlika Investment Fund (MIF).
“Kami ay umaasa. Iyon pong mga conglomerates natin, we can also do some joint ventures, co-investments sa mga infrastructure projects,” sinabi ni National Treasurer Rosalia de Leon sa isang news forum noong Sabado.
Gayunpaman, tiniyak ni De Leon na ang malapit nang mabuo na Maharlika Investment Corp. (MIC) ay susuriin nang maayos ang bawat pamumuhunan.
Sinabi ni Pangulong Ferdinand R. Marcos Jr. noong Huwebes na susuriin ng Malacañang ang mga rebisyon sa MIF bill ngunit nangako na pipirmahan ang panukala sa sandaling makuha niya ito.
Sinabi ni De Leon na ang MIC board of directors ay gagawa ng investment at risk management strategies kung saan makikita ng publiko ang posibleng kita ng mga proyekto.
“Dadaan din po iyan sa very rigorous screening process – ano ang magiging return ng mga projects na iyon, ano bang mga risk. Mayroon ding risk mitigating measures na ia-identify para matiyak na mamu-monitor nang napakahusay at kasabay nito, isaayos ang lahat ng panganib na iyon (Dadaan ito sa napakahigpit na proseso ng screening – kung ano ang magiging return at risk. May mga risk mitigating measures din na matutukoy para masigurado na masusubaybayan natin at the same time adjust all those risks),” anito.
Tiniyak ni De Leon na dadaan sa procurement process ang lahat ng proyekto at ang exemption lang ay sa technical aspect o paghingi ng technical advice.
Gayunpaman, sinabi niya na wala pang impormasyon kung ilang porsyento ng iminungkahing sovereign wealth fund ang ilalaan sa mga proyektong pang-impraestruktura.
Ang administrasyong Marcos ay mayroong hindi bababa sa 194 flagship infrastructure projects na nagkakahalaga ng PHP9 trilyon.
“Dadaan pa rin po tayo sa procurement process. So, doon pa lang po ay makikita natin na talagang marami pong mga pagsusuri at pag-i-evaluate para po iyong mga projects, mga investment na papasukin ni Maharlika is already complying – is within the investment strategy po na in-approve po ng board. So, with that alone, makikita natin na it will be assessed thoroughly and that the investment we will venture into complies with the investment strategy that would be approved by the board),” dagdag nito.
Upang mawala ang pangamba, muling iginiit niya na ang mga institusyon ng social security, tulad ng GSIS, SSS, Pag-IBIG, at PhilHealth ay ipinagbabawal na mamuhunan sa MIF at sa korporasyon.
Bilang karagdagan, walang pondo para sa mga proyekto sa pagpapaunlad ng lipunan, tulad ng mga serbisyo, pangangalagang pangkalusugan, at edukasyon ang makukuha sa MIF.
“(D)oon sa Senado, na-emphasize din na iyon pong MIF will really be investing iyong mga sustainable endeavors. So, marami pong improvements na nailagay po doon sa legislation from the Senate version Maraming improvements ang ginawa sa Senate version,” sabi ni de Leon.
“(M)ayroon pong iha-hire na external auditor to look also into the operations at financial performance ng MIF plus magri-report sa oversight committee (An external auditor would be hire to also look into the operations and financial performance of the MIF) .”
Pitong miyembro bawat isa mula sa Senado at Kamara ang itatalaga sa Joint Oversight Committee upang subaybayan ang posibilidad at ang pinansiyal na pagganap ng MIC at MIF. (PNA)